თბილისი ჰილსი
2022 - თბილისი ჰილსი
აღმაშენებლის ხეივანში მდებარე ეს მრავალფუნქციური შენობა ერთგვარ ორიენტირს წარმოადგენს, რომელიც ქალაქის შესასვლელთან მნიშვნელოვან ვიზუალურ აქცენტს ქმნის. ნაკვეთის მცირე ფართობმა და ვერტიკალურმა პროპორციებმა განაპირობა დახვეწილი, თხელი სილუეტის შექმნა, რაც შენობას მკვეთრად გამოარჩევს მიმდებარე განაშენიანების მასიური მოცულობებისგან.
ნაგებობის სტრუქტურულ თავისებურებას მისი ცენტრალური ნაწილის ჰორიზონტალური დეფორმაცია წარმოადგენს, რომლის მეშვეობითაც მიღებულია მასშტაბური კონსოლური მოცულობა. ეს გადაწყვეტა არღვევს ფორმის ვერტიკალურობას და ქმნის ამაღლებულ გამწვანებულ პლატფორმას.
აღნიშნული სივრცე სტუმრებს ქალაქის პანორამულ ხედებსა და ხეივნის ხმაურისგან იზოლირებულ სარეკრეაციო გარემოს სთავაზობს.
შენობის დინამიური კომპოზიცია, რომელიც დანაწევრებული და გადაადგილებული მოცულობებისგან შედგება, ნაგებობას თანამედროვე ხასიათს სძენს, ხოლო მინის ფასადი კი სიმსუბუქეს ინარჩუნებს.
